ხერსონში წუხელ აფეთქებების ხმა ისმოდა. რუსი ოკუპანტები ქალაქს ტოვებენ, მაგრამ მავნებლობას არ იშლიან. როგორც ადგილობრივები იტყობინებიან. ღამის განმავლობაში ოკუპანტებმა ხერსონში რამდენიმე საქვაბე, საოლქო ენერგოსტრუქტურის შენობა და ტელეცენტრი ააფეთქეს. სამაგიეროდ, დნეპრის გადაცურვის დროს, საპონტონე ხიდებზე, უკრაინელებისგან ადეკვატური და დამაზარალებელი პასუხი მიიღეს.
როდის შევა ხერსონში უკრაინის არმია? უკრაინის თავდაცვის მინისტრი ამობს, რომ რუსი ოკუპანტები ქალაქიდან კვირის განმავლობაში გავლენ. უკრაინელი ჟურნალისტები კი წერენ, რომ ZSU-მ უკვე ალყაში მოაქცია ქალაქი და ხერსონის მისადგომებთან სროლის ხმა ისმის. ოფიციალურად ეს ინფორმაცია არ დადასტურებულა.
ღამის განმავლობაში ტელეგრამ-არხებზე უამრავი ვიდეო და ფოტომასალა გავრცელდა, ხერსონისა და მიკოლაევის ოლქებში დასახლებების გათავისუფლების შესახებ. პრეზიდენტმა ზელენსკიმ განაცხადა, რომ ერთი დღე-ღამის განმავლობაში, უკრაინელებმა 41 დასახლებული პუნქტი გაათავისუფლეს.