უკრაინელებმა გუშინ, ღამის საათებში, საარტილერიო იერიში მიიტანეს ხერსონში, ოკუპანტთა საპონტონე ხიდებზე, რომლებითაც ოკუპანტები ტექნიკის გადატანას და დნეპრის მარცხენა ნაპირზე გადასვლას ცდილობდნენ.
უკრაინის არმიის სადესანტო ძალები კახოვკის მარცხენა სანაპიროზე გადასხდნენ და აქტიურად ამუშავებდნენ ოკუპანტების მიერ მოწყობილ ხელოვნურ გადასასვლელებს- საპონტონე ხიდებს, რის შემდეგაც ოკუპანტებმა ადგილზე დატოვეს ტექნიკა და ნავებით გაიქცნენ. უკრაინელებმა დარტყმები ერთდროულად სამ ლოკაციაზე: ნოვა კახოვკაში, ბერისლავსა და ხერსონში განახორციელეს. გადაადგილება კახოვკის დამბაზე უკვე შეჩერებულია
დილისთვის, მდინარე დნეპრის მარჯვენა სანაპიროზე 18 000-იდან 22 000-მდე რუსი ჯარისკაცი რჩება, თუმცა ისინი პოზიციებზე არ იმყოფებიან, არამედ საპონტონე გადასასვლელების ზონებში არიან გაჭედილები
აღნიშნულ ტერიტორიაზე უკრაინელთა არტილერიის გამოყენების ფონზე რუსებმა შესაძლოა კოლოსალური დანაკარგები მიიღონ – ფაქტია, რომ უკრაინელები მათთვის გამოსამშვიდობებლად ხელის დაქნევას სულაც არ აპირებენ.