“არა მგონია, კონფლიქტი მანამ მოგვარდეს, სანამ პუტინი უკრაინიდან ძალებს არ გაიყვანს” – ბაიდენი

0
331

აშშ-ის პრეზიდენტმა ჯო ბაიდენმა უპასუხა ჟურნალისტების მიერ დასმულ შეკითხვას, უკრაინაში ომის დამთავრების ვადების შესახებ, მისი პასუხი კი, შესაძლოა, პუტინის მიმართ ულტიმატუმადაც ჩაითვალოს. 

 “არა მგონია, რომ რუსეთის მიერ უკრაინაში გაჩაღებული კონფლიქტი მანამ მოგვარდეს, ვიდრე ვლ. პუტინი არ გაიყვანს რუსეთის ძალებს უკრაინიდან”, – განაცხადა ჯო ბაიდენმა.

ამ შეკითხვაზე ბაიდენის პასუხი საინტერესო იმიტომაც იყო, რომ ნათელი მოჰფენოდა საკითხს, ურჩევს თუ არა დაჟინებით აშშ უკრაინას რუსეთთან მოლაპარაკების დაწყებას მას შემდეგ, რაც ოკუპანტებმა მდინარე დნეპრის მარჯვენა ნაპირის დატოვებისა და მარცხენაზე გამაგრების შესახებ განაცხადეს. გავრცელებული ხმებით, რუსეთის ამ ნაბიჯის შემდეგ აშშ მოუწოდებდა უკრაინას, განეახლებინა მოლაპარაკებები, მაგრამ ბაიდენის ზემოთმოყვანილმა პასუხმა ცხადყო, რომ მსგავსი არაფერი ყოფილა. 

წინა სტატიაFIDE-ს ოსტატს, გიორგი გამზარდიას საზოგადოების დახმარება სჭირდება
შემდეგი სტატიახერსონიდან გასვლის დროს უკრაინელებმა ოკუპანტები დაბომბეს – რა ხდებოდა ღამით
ტელეკომპანია ოდიშის საინფორმაციო სამსახური