ხვალ, 20:00 საათზე, თავისუფლების მოედანზე უკრაინის დამცველთა დღისადმი მიძღვნილი აქცია გაიმართება

0
250

ხვალ თბილისში უკრაინის დამცველთა დღისადმი მიძღვნილი აქცია გაიმართება – ხვალ, 14 ოქტომბერს, 20:00 საათზე, თავისუფლების მოედანზე გაიმართება საზეიმო აქცია, სადაც პატივს მივაგებთ უკრაინის დამცველებს – ნათქვამია აქციის ორგანიზატორების განცხადებაში.

“14 ოქტომბერი არის დღე, როდესაც უკრაინელები აღნიშნავენ ერთდროულად სამ დღესასწაულს: უკრაინის დამცველთა დღეს, უკრაინელი კაზაკების დღეს და ღვთისმშობლის შუამავლობის დღესასწაულს.

14 ოქტომბერს თბილისი შეუერთდება მსოფლიო კამპანიას #DefendingUkraine, სადაც საზეიმო აქცია გაიმართება, რომლის დროსაც პატივს მივაგებთ უკრაინის დამცველებს.

აქციის მონაწილეები თავისუფლების მონუმენტის ირგვლივ დადგებიან „დაცვის წრეში“, თითქოს იცავენ მონუმენტს – თავისუფლების, დემოკრატიისა და თავისუფლების სიმბოლოს.

თითოეულ მონაწილეს შეუძლია ხელში ეჭიროს პლაკატი, რომელზეც აწერია: „როგორც ჩვენ ვიცავთ თავისუფლების ძეგლს, ისე მამაცი უკრაინის დამცველები და გმირები იცავენ ცივილიზებულ სამყაროს ტერორისტული რუსეთისგან ყოველდღე“.

ვიწვევთ უკრაინელებს და უკრაინის მეგობრებს შემოგვიერთდნენ ამ ღონისძიებაში. თან წამოიღეთ უკრაინის სიმბოლოები, დროშები, დახატეთ ფერადი პლაკატები.” აცხადებენ ორგანიზატორები.

წინა სტატიადღეს რუსეთთან დიპლომატია არ შეიძლება – ზელენსკი
შემდეგი სტატიავაკის პარკში, დენის დარტყმის შედეგად 13 წლის მოზარდი გარდაიცვალა
ტელეკომპანია ოდიშის საინფორმაციო სამსახური