ღამით წალენჯიხის მერის, გია ხარჩილავას მანქანა სახლის წინ დაწვეს

0
271

გუშინ გვიან ღამით, წალენჯიხის მუნიციპალიტეტის მერს, გია ხარჩილავას, ავტომობილს ცეცხლი გაუჩნდა და სრულად დაიწვა.

პარტია “ლელო – საქართველოსთვის” წევრი, თამარ ბელქანია სოციალურ ქსელში ინფორმაციას ავრცელებს და ამბობს, რომ გია ხარჩილავას მანქანას, რომელიც სახლის წინ იდგა, უცნობმა პირებმა სავარაუდოდ, საწვავი გადაასხეს და დაწვეს.

“მე სიტყვები არ მაქვს, რომ გითხრათ, რომ უსაფრთხოდ ვგრძნობ თავს, ნამდვილად არა. ბუნებრივია, გამოძიება დაადგენს მომხდარს, გვაქვს ამის იმედი”, – ამბობს ბელქანია.

მისი თქმით, შემთხვევა დაახლოებით ღამის 4 საათზე მოხდა. არსებული ინფორმაციით, ინციდენტის შედეგად არავინ დაშავებულა. დაზიანებული მანქანის ნაწილები პოლიციის შენობაშია გადატანილია.

წინა სტატიაუკრაინასთან რუსეთის გამარჯვება NATO-ს დამარცხება იქნება – სტოლტენბერგი
შემდეგი სტატიაუკრაინაში დაღუპულ ედიშერ კვარაცხელიას დღეს, სავარაუდოდ, კიევში გადაასვენებენ
ტელეკომპანია ოდიშის საინფორმაციო სამსახური