რუსეთის პრეზიდენტი ვლადიმირ პუტინი, რომელიც ამ დრომდე არ აღიარებს უკრაინაში ფართომასშტაბიანი ომის მიმდინარეობას, ამბობს, რომ თუ ნატოს წევრი რომელიმე ქვეყანა დააპირებს ცის დახურვას უკრაინის თავზე, ეს იქნება აღქმული საომარ მოქმედებებში ჩართვად და რუსეთი იძულებული გახდება, სათანადოდ უპასუხოს.
“ნებისმიერი მცდელობა ამ ზონის გამოცხადებისა დრენისთვის აკრძალულ ზონად, ნებისმიერი სხვა ქვეყნის მიერ, ჩვენს მიერ იქნება მიჩნეული საომარ მოქმედებებში ცართვად და შესაბამისად ვუპასუხებთ”, – თქვა პუტინმა “აეროფლოტის” ბორტგამცილებლებთან შეხვედრის დროს.
ვლადიმირ პუტინმა აღნიშნა, რომ უკრაინის სამხედრო ინფრასტრუქტურა სრულად განადგურებულია, ხოლო უახლოეს პერიოდში დასრულდება ჰაერსაწინააღმდეგო თავდაცვის ინფრასტრუქტურის განადგურება. მისივე თქმით, უკრაინაში ოპერაციის დაწყების შესახებ გადაწყვეტილების მიღება რთული, მაგრამ საჭირო და დროული იყო.
შეგახსენებთ, უკრაინის ცის დახურვას და ამ ზონის გამოცხადებას ფრენისთვის აკრძალულ ზონად, უკვე კარგა ხანია, ითხოვს ვოლოდიმირ ზელენსკი, თუმცა, ნატო და ევროკავშირი ამ ზომების მიღებას არ აპირებენ.
“თუ არ გაქვთ იმის ძალა, რომ ცა დახუროთ, მაშინ მომეცით მე თვითმფრინავები!” – ზელენსკი