მთავარისიახლეებისაზოგადოებაფასები ისევ გაიზარდა - წლიური ინფლაციის დონემ 4.3% შეადგინა

ფასები ისევ გაიზარდა – წლიური ინფლაციის დონემ 4.3% შეადგინა

Published on

სტატისტიკის ეროვნული სამსახურის ცნობით, 2026 წლის მარტში წინა თვესთან შედარებით, ინფლაციის დონემ საქართველოში 0.8%, ხოლო წლიური ინფლაციის დონემ 4.3% შეადგინა.

სტატისტიკის ეროვნული სამსახურის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ სურსათსა და უალკოჰოლო სასმელებზე. ჯგუფში ფასები გაიზარდა 7.5 პროცენტით, რაც წლიურ ინფლაციაზე 2.57 პროცენტული პუნქტით აისახა. ფასები მომატებულია 21.2 პროცენტით თევზეულზე, ხილი და ყურძენი 13.4 პროცენტით გაძვირდა, პური და პურპროდუქტები – 9.6 პროცენტით.

ხორცი და ხორცის პროდუქტები 9.6 პროცენტითაა გაძვირებული
ზეთი და ცხიმი – 7.7 პროცენტით.
შაქარი, ჯემი და სხვა ტკბილეული 5.3 პროცენტით გაძვირდა
ბოსტნეული და ბაღჩეული – 4.9 პროცენტით
რძე, ყველი და კვერცხი – 4.5 პროცენტით
ყავაზე, ჩაიზე და კაკაოზე ფასებმა 3.8 პროცენტით მოიმატა
მინერალური და წყაროს წყალი, უალკოჰოლო სასმელები და ნატურალური წვენები 2.1 პროცენტითაა გაძვირებული.
ტრანსპორტი: ჯგუფში ფასები გაიზარდა 4.0 პროცენტით, რაც წლიურ ინფლაციაზე 0.49 პროცენტული პუნქტით აისახა. ფასები 7.3 პროცენტით გაიზარდა სატრანსპორტო მომსახურებაზე და 5.7 პროცენტით პირადი სატრანსპორტო საშუალებების ექსპლუატაციაზე.

სხვადასხვა საქონელი და მომსახურება: ჯგუფში ფასები გაიზარდა 9.8 პროცენტით, რაც 0.48 პროცენტული პუნქტით აისახა მთლიან ინდექსზე.

ფასები ძირითადად მომატებულია: პირადი ნივთები, სხვა კატეგორიებში ჩაურთველი (58.1 პროცენტი), დაზღვევა (8.5 პროცენტი), პირადი ჰიგიენა (4.3 პროცენტი); ალკოჰოლური სასმელები, თამბაქო: ჯგუფში ფასები გაიზარდა 6.2 პროცენტით, რაც 0.39 პროცენტული პუნქტით აისახა მთლიან ინდექსზე. მოცემულ პერიოდში ფასები გაზრდილია როგორც თამბაქოს ნაწარმზე (8.0 პროცენტი), ისე ალკოჰოლურ სასმელებზე (4.6 პროცენტი).

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...