რუსეთს უკრაინის საზღვართან სისხლის მარაგი აქვს მობილიზებული, რომელიც დაჭრილებისთვისაა საჭირო. ინფორმაციას გამოცემა Reuters აშშ-ს სამ ოფიციალურ პირზე დაყრდნობით ავრცელებს. მათივე თქმით, რუსეთს ახლა “აშკარად” აქვს უკრაინის ტერიტორიაზე შეჭრის შესაძლებლობა.
ცნობისთვის, გუშინ აშშ-ს თავდაცვის მდივანმა ლოიდ ოსტინმა თქვა, რომ შესაძლოა, რუსეთის პრეზიდენტს უკრაინაში შეჭრის თაობაზე გადაწყვეტილება მიღებული არ აქვს, თუმცა მას ამის შესაძლებლობა აქვს.
დასავლეთში შიშობენ, რომ რუსეთი უკრაინაში შეჭრისთვის ემზადება. რუსეთი უარყოფს ინფორმაციას უკრაინაში შეჭრასთან დაკავშირებით, თუმცა უკვე 2 თვეზე მეტია, რაც უკრაინის საზღვართან 100 ათასი რუსი ჯარისკაცია განლაგებული. უკრაინაში შეჭრის შემთხვევაში აშშ რუსეთს სანქციებით ემუქრება. ევროპის არაერთმა ქვეყანამ სამხედრო თუ ფულადი დახმარება უკრაინისთვის უკვე გამოყო.