საქართველოს კათოლიკოს-პატრიარქმა ილია მეორემ რუსეთის პატრიარქ კირილს ოფიციალური წერილი გაუგზავნა, სადაც დაბადების დღეს ულოცავს და მადლობასაც უხდის.
“კიდევ ერთხელ მინდა გადაგიხადოთ მადლობა თქვენ და რუსეთის მართლმადიდებელ ეკლესიას, რომ პოლიტიკური ინტერესების საწინააღმდეგოდ, მაგრამ ეკლესიის კანონების დაცვით ოფიციალურად აღიარებთ ჩვენი წინაპრების მიწებს – აფხაზეთსა და ცხინვალის რეგიონის საქართველოს მართლმადიდებელი ეკლესიის განუყოფელ ნაწილად, – ნათქვამია ილია მეორის ოფიციალურ წერილში”.
ასევე, ოფიციალურ წერილში გამოხატულია საქართველოს პატრიარქის მადლიერება ოკუპირებულ ტერიტორიებზე დაკავებული საქართველოს მოქალაქეების გათავისუფლების საქმეში შეტანილი წვლილისთვის, რისთვისაც, როგორც საქართველოს პატრიარქი წერილში აღნიშნავს, “ქართველი ხალხი მადლობელია”.