პრეზიდენტი მიხეილ სააკაშვილი სამოქალაქო აქტივისტ გიორგი მუმლაძეს, გორის სამხედრო ჰოსპიტლიდან მიმართავს და მხარდაჭერისთვის მადლობას უხდის.
,,გიო, ძალიან გავბრაზდი მკლავები რომ შემოგახიეს. …პირველი, რასაც ვიზამ რომ გამოვალ, ახალ “კურტკას” გიყიდი 🙂 … დიდი მადლობა ბიჭებს ჩვენგან და გეხვევი ძმურად! – წერს მიხეილ სააკაშვილი.
წერილს სოციალურ ქსელში მოძრაობა “საქართველოსთვის” წევრი კახა კვეკვესკირი ასაჯაროებს.
წერილის ფოტოასლს კახა კვეკვესკირი თავის კომენტარს ურთავს:
,,მიშა რა მიშაა, იუმორიც რომ არ ჩააქსოვოს მისთვის და ქვეყნისთვის დრამატულ და საბედისწერო პერიოდში.
გიორგის დახეული “კურტკა”-სავითაა დღეს ჩვენი ქვეყანა.
ძალიან ბევრი უნდა მივიდეთ ხვალ, რომ გავამხნევოთ მიშა და ყველანაირი შიში, დაღლა ან სხვა არგუმენტი უბრალოდ უადგილოა!
P.S.- წერილში რაც დაფარულია მაგას გაჩვენებთ ძალიან მალე.
P.P.S. ს.უ.ს.-თან თხოვნა მექნება, ძალიან ნუ დაიძაბებით და ნუ დაიწყებს შინაარსზე ტვინების ჭყლეტას, მაინც ვერაფერს გაიგებთ”