ასობით მანქანის რიგია ზუგდიდში ავტოსერვისთან, სადაც მძღოლებმა მანქანის ტექდათვალიერება უნდა გაიარონ. მძღოლები ამბობენ, რომ ხელისუფლება ტექდათვალიერების სასწრაფო წესით შემოღებას მიზანმიმართულად აკეთებს, რადგან ბიუჯეტის ფული სწორედ ასე შეივსოს. კილომეტრიან რიგში დგომა მძღოლებს რამდენიმე დღე უწევთ, ისინი გაუსაძლის პირობებზე საუბრობენ.
შესამოწმებელი მანქანების რაოდენობა, თითქმის, 5-ჯერ მას შემდეგ გაიზარდა, რაც ცნობილი გახდა, რომ ინსპექტირების გაუვლელობის შემთხვევაში მძღოლები „ჭკვიანი კამერების“ საშუალებითაც დაჯარიმდებიან.