ზუგდიდში, “საქართველოს ბანკზე” თავდასხმაში ძებნილი ბადრი ესებუას ძმას, ბიძინა ესებუას აღკვეთის ღონისძიების სახით პატიმრობა შეეფარდა. ზუგდიდის რაიონულმა სასამართლომ ბრალდების მხარის შუამდგომლობა დააკმაყოფილა. ბრალების მხარე დაკავებულისთვის აღკვეთის ღონისძიების სახით პატიმრობას ითხოვდა, ხოლო, დაცვის მხარე 10 000-ლარიანი გირაოს სანაცვლოდ მის გათავისუფლებას.ბიძინა ესებუას ადვოკატი კი ამბობს, რომ პოლიცია მიმალვაში მყოფ ბადრი ესებუაზე ზეგავლენას ძმის დაკავებით ცდილობს. ადვოკატები სასამართლოს გადაწყვეტილების გასაჩივრებას აპირებენ.
ბიძინა ესებუა 12 დეკემბერს იარაღის, საბრძოლო მასალის, ფეთქებადი ნივთიერების უკანონო ტარებისთვის დააკავეს. შსს-ს მტკიცებას, რომ ის ძმას, ბადრის უნდა შეხვედროდა, რასაც ოჯახი უარყოფს. შეგახსენებთ, რომ შინაგან საქმეთა სამინისტრო ბადრი ესებუას თვეზე მეტია ეძებს. თავდასხმა ბანკის ფილიალზე 21 ოქტმობერს მოხდა. შეარაღებული ესებუა ბანკში შეიჭრა, მძევლები აიყვანა, ფული და უსაფრთხოების კორიდორი მოითხოვა. საბოლოოდ, რამდენიმესაათიანი სპეცოპერაციის შემდეგ, ოფიციალური ინფორმაციით, ბადრი ესებუამ ნახევარი მილიონი დოლარი წაიღო და მიიმალა.