ირაკლი კობახიძემ მთავარი არხი და ტვ პირველი დღეს რუსულ არხებად “გლავკანალად” და “პერვიკანალად” მოიხსენია და აღნიშნა, რომ მედიის კონკრეტული ქმედებები სისხლის სამართლის დანაშაულის ნიშნებს შეიცავდა.
განსაკუთრებული პასუხისმგებლობა მართებთ პოლიტიკოსებსა და ჟურნალისტებს, რათა მათმა ქმედებებმა ხელი არ შეუშალოს დანაშაულის აღკვეთასა და მძველების გათავისუფლებას. სამწუხარო და შემაშფოთებელია, რომ კონკრეტულმა პოლიტიკურმა პირებმა სცადეს ეს სიტუაცია საკუთარი პოლიტიკური ქულების დასაწერად გამოეყენებინათ. საგანგაშო და გამაოგნებელია კონკრეტული მედია საშუალებების ქმედებები, რომელთა ნაწილიც სისხლის სამართლის დანაშაულის ნიშნებსაც კი შეიცავდა. ამას გეუბნებით, როგორც იურისტი – თქვა კობახიძემ საგანგებო ბრიფინგზე.
შსს კი მედიას სიგნალის გათიშვით ემუქრება. . როგორც საგანგებო ბრიფინგზე მინისტრის მოადგილემ, კახა საბანაძემ აღნიშნა, თავდამსხმელის პირდაპირ ეთერში ჩართვით, საფრთხე შეექმნა მძევლებს და სპეცოპერაციის მიმდინარეობას. საბანაძე მედიას პირდაპირი ეთერის სიგნალის გათიშვით დაემუქრა და ეს ყველაფერი უსაფრთხოების მოტივით ახსნა.