ზუგდიდში covid 19-ის 5 ახალი შემთხვევა დაფიქსირდა, რომელთაგან 1 არის უცხოეთიდან შემოსული, 2 არასრულწლოვანია რეპეტიტორის კლასტერიდან, 1 კარანტინში გამოვლინდა, 1 კი ცაიშის სკოლის მიკროავტობუსის მძღოლია, ამიტომ სამეგრელო-ზემო სვანეთის გუბერნატორის მოვალეობის შემსრულებელმა მალხაზ თორიამ განაცხადა, ცაიშის საჯარო სკოლა გადადის დისტანციურ სწავლებაზე, ისევე როგორც ქარიატის საჯარო სკოლა.
რაც შეეხება რეგიონში მცხოვრებ ინფიცირებულთა რაოდენობას, 114 მოქალაქეს შეადგენს. რუხის კლინიკაში მკურნალობის კურსს გადის 77 კოვიდინფიცირებული პაციენტი, აქედან 6-ის მდგომარეობა შედარებით მძიმეა. ფოთის ჰოსპიტალში კი 39 კოვიდპაციენტი მკურნალობს. რაც შეეხება გამოჯანმრთელებულებს, 4 მოქალაქე გამოჯანმრთელდა მათგან 3 ზუგდიდი, 1 კი ხაიშის სკოლის მოსწავლეა.