მთავარისიახლეებითურქეთის თავდაცვის უწყება-სამხრეთ-აღმოსავლეთში Patriot-ის სისტემას განვალაგებთ

თურქეთის თავდაცვის უწყება-სამხრეთ-აღმოსავლეთში Patriot-ის სისტემას განვალაგებთ

Published on

თურქეთმა ქვეყნის აღმოსავლეთ ნაწილში, მალათიის პროვინციაში „პატრიოტის“ საჰაერო თავდაცვის სისტემა განათავსა. ამის შესახებ თურქეთის ეროვნული თავდაცვის სამინისტრომ განაცხადა.

სამინისტროს ინფორმაციით, სისტემა ოპერატიული მზადყოფნისთვის მზადდება და მისი განთავსება კოორდინირებულია ნატოსთან. უწყებაში განმარტავენ, რომ ნაბიჯი რეგიონში დაძაბულობის ფონზე ქვეყნის საჰაერო სივრცის დაცვის გაძლიერებას ემსახურება.

განცხადების მიხედვით, თურქეთის შეიარაღებული ძალები „სრულად არიან მზად ქვეყნისა და მოქალაქეების უსაფრთხოების უზრუნველსაყოფად“.

სამინისტროს თქმით, რეგიონში ბოლო მოვლენების გათვალისწინებით, მიმდინარეობს აუცილებელი ზომების მიღება საზღვრებისა და საჰაერო სივრცის დასაცავად და ამ საკითხზე კონსულტაციები ტარდება ნატოსთან და პარტნიორ ქვეყნებთან.

უწყების განმარტებით, ეროვნული უსაფრთხოების ზომებთან ერთად ნატომაც გააძლიერა რეგიონში საჰაერო და სარაკეტო თავდაცვის შესაძლებლობები. სწორედ ამ ჩარჩოში მალათიაში განთავსებულია „პატრიოტის“ სისტემა, რომელიც ქვეყნის საჰაერო სივრცის დაცვის მხარდაჭერას უზრუნველყოფს.

სამინისტროში აცხადებენ, რომ თურქეთი თავდაცვისა და უსაფრთხოების საკითხებზე ნატოსთან კოორდინაციას მომავალშიც გააგრძელებს და რეგიონში მშვიდობისა და სტაბილურობის შენარჩუნებაზე იმუშავებს.

სიახლეები

რევაზ ნადარაიამ დარბაზი მაია კოპალეიშვილსაც დაატოვებინა

ხმაურის და სიტყვიერი დაპირისპირების ფონზე საკონსტიტუციო სასამართლოს თავმჯდომარე რევაზ ნადარაიამ მაია კოპალეიშვილი სხდომათა დარბაზიდან...

ნიკა გვარამია საკონსტიტუციო სასამართლოს სხდომათა დარბაზიდან გააძევეს

საკონსტიტუციო სასამართლოს თავმჯდომარე რევაზ ნადარაიამ „კოალიცია ცვლილებისთვის“ ლიდერი ნიკა გვარამია სხდომის დარბაზიდან გააძევა. „საკონსტიტუციო სასამართლოს...

განგაშის ზარი უნდა დავრეკოთ, რომ ასე გაგრძელება უკვე აღარ შეიძლება. თავისი შესაძლებლობა სრულად ამოწურა, ამ ხელისუფლებამ – მეუფე იობი

„მშვიდობის ნიღბის ქვეშ ყველაფერი იყიდება. მშვიდობა შეგვინარჩუნა ამ ხელისუფლებამ, მაგრამ ვხედავთ, რომ ახალგაზრდების გადინებაა...

პირადი ცხოვრების საიდუმლოს ხელყოფის ფაქტზე ერთი პირი დააკავეს

პირადი ცხოვრების საიდუმლოს ხელყოფის ფაქტზე ერთი პირი დააკავეს. ინფორმაციას ამის შესახებ პროკურატურა ავრცელებს. უწყების ცნობით,...