წუხელ, გვიან ღამით სენაკის მუნიციპალიტეტის სოფელ ნოქალაქევში, ხონისა და სამტრედიის ეპარქიის მიტროპოლიტის, მეუფე საბას (გიგიბერია) ოჯახი ჯერჯერობით დაუდგენელმა სამმა ნიღბიანმა პირმა დააყაჩაღა. არსებული ინფორმაციით თავდამსხმელებმა ოჯახიდან ტექნიკა და გარკვეული ოდენობის თანხა წაიღეს.
შინაგან საქმეთა სამინისტროში აცხადებენ, რომ დამნაშავეთა დასაკავებლად ოპერატიულ-სამძებრო ღონისძიებები მიმდინარეობს. მომხდარზე გამოძიება სისხლის სამართლის კოდექსის 179-ე მუხლის მე-2 ნაწილის „ბ“ და მე-3 ნაწილის „ბ“ ქვეპუნქტებით მიმდინარეობს.