ხუთთვიანი პაუზის შემდეგ ზუგდიდის შალვა დადიანის სახელობის სახელმწიფო დრამატულმა თეატრმა პრემიერა გამართა. სპექტაკლი “მარიტა” გიორგი ლეონიძის ამავე სახელწოდების მოთხრობის მიხედვით მაყურებელს რეჟისორმა ელენე მაცხონაშვილმა წარუდგინა. თოჯინური და ცოცხალი პლანის სინთეზით დადგმული წარმოდგენა ბოტანიკურ ბაღში, რეგულაციების დაცვით, ღია სივრცეში გაიმართა.
ზუგდიდის შალვა დადიანის სახელობის სახელმწიფო დრამატული თეატრი სეზონის დახურვამდე “მარიტას” კიდევ ერთხელ ანაკლიის ამფითეატრში გამართავს და შემდეგ ახალი სეზონისთვის მოემზადება.