წალენჯიხის საკრებულოს თავმჯდომარეს თემურ ღვინჯილიას პატიმრობა შეეფარდა [Video]

0
583

წალენჯიხის საკრებულოს თავმჯდომარეს თემურ ღვინჯილიასა და საკრებულოს აპარატის სამდივნოს უფროსს მათე ღვინჯილიას პატიმრობა შეეფარდათ. ბრალდებულების აღკვეთის ღონისძიების სახით პატიმრობის შეეფარდებაზე გადაწყვეტილება ზუგდიდის რაიონულ სასამართლოს დღევანდელ სხდომაზე მიიღეს. აღნიშნული გადაწყვეტილებით მოსამართლე ნატრული აკობიამ გაითვალისწინა  პროკურატურის შუამდგომლობა. რაც შეეხება დაკავებულების უფლებადამცველებს, მათ სასამართლოს 100 ათასი ლარის ოდენობით გირაოს შეფარდების შუამდგომლობით მიმართეს, თუმცა მოსამართლემ ადვოკატების მოთხოვნა არ გაითვალისწინა.

ცნობისათვის , ფინანსთა სამინისტროს საგამოძიებო სამსახურმა  თემურ და მათე ღვინჯილიები ჯგუფურად, მარკირებას დაქვემდებარებული განსაკუთრებით დიდი ოდენობით უაქციზო სიგარეტის გადაზიდვის ფაქტზე დააკავა.

გამოძიება საქართველოს სისხლის სამართლის კოდექსის მე-200 მუხლის მე-2 და მე-3 ნაწილებით მიმდინარეობს, რაც სასჯელის სახით ითვალისწინებს თავისუფლების აღკვეთას ექვსიდან რვა წლამდე ვადით.

თემურ ღვინჯილია დანაშაულს არ აღიარებს და ამბობს, რომ ის სამსახურებრივი მანქანით კონტრაბანდული სიგარეტის გადაზიდვის შესახებ ინფორმირებული არ იყო.

წინა სტატიახელისუფლების ინფორმაციით, ნემო ბურჭულაძე კარანტინშია მოთავსებული, მისი შვილი კი აცხადებს, რომ იგი გატაცებული ყავთ
შემდეგი სტატიაზუგდიდში, წუხელ 40 წლამდე მამაკაცმა ფოსტის მიმდებარე ტერიტორიაზე თვითმკვლელობა სცადა
ტელეკომპანია ოდიშის საინფორმაციო სამსახური