დარგობრივი ეკონომიკისა და ეკონომიკური პოლიტიკის კომიტეტის სხდომაზე, სადაც „ელექტრონული კომუნიკაციების“ შესახებ საქართველოს კანონში შესატანი ცვლილებების პაკეტს განიხილავენ, დაპირისპირება მოხდა. ინცინდენტი ფრაქცია “დამოუკიდებელი დეპუტატების” წევრის ლევან კობერიძის მწვავე შეფასებას მოყვა..

„ერთი შეკითხვა მაქვს ლევან შენთან, დარწმუნებული ხარ, რომ სიღრმისეულად რასთან გვაქვს საქმე ნამდვილად იცი? შენ რომ ძალიან გვიან გამოიღვიძე, ამ გამოღვიძებით ყველანი მოხარული ვართ. როგორც ჩანს, მძინარე მდგომარეობაში შემოგიყვანეს „ქართულ ოცნებაში“. შენი ბულინგის არავის არ ეშინია, მორჩი ბოდიალს და დემაგოგიას,“ – მიმართა კომიტეტის თავმჯდომარემ რომან კაკულიამ კობერიძეს

თავის მხრივ,ლევან კობერიძემ მას  ღირსების შენარჩუნებისკენ მოუწოდა.

„მე კიდევ შენზე მგონია, რომ არ ხარ და კიდევ ბევრ რამეში არ ხარ დარწმუნებული და სხვის დაკრულზე ცეკვავ. ეკონომიკური პოლიტიკის კომიტეტის თავმჯდომარე ხარ და ოთხი წელია რა ხდება ეკონომიკაში, ვერც შენ გაგირკვევია და ვერც სხვას და არც პასუხი მოგითხოვია არავისთვის. ძალიან პირადულ შეურაცხყოფაზე გადადიხარ და მაგისთვის ალიყურს მიიღებ“, – განაცხადა კობერიძემ.