ხობის მუნიციპალიტეტის სოფელ ჭალადიდში, ფოთი-თბილისის ცენტრალურ მაგისტრალზე ავტოსაგზაო შემთხვევა მოხდა, რასაც 2 ადამიანი ემსხვერპლა, ხოლო თავად მძღოლი მძიმედ დაშავდა და ის ფოთის ჰოსპიტალშია გადაყვანილი.
არსებული ინფორმაციით, მსუბუქი ავტომობილი სწრაფად მოძრაობდა, მძღოლმა საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა.
მომხდარზე გამოძიება სსკ 276 მუხლის მე-8 ნაწილით დაიწყო, რაც მოძრაობის უსაფრთხოების და ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.