ზუგდიდში კორონავირუსის ახალი შემთხვევა დადასტურდა. საზოგადოებრივი ჯანდაცვის ადგილობრივი ცენტრის ინფორმაციით, პაციენტი 60 წლამდე მამაკაცია  შიდა ქართლიდან, რომელიც ზუგდიდში იმყოფებოდა. მამაკაცი  საქართველოში რუსეთიდან ლარსის გამშვები პუნქტის გავლით  30 ივნისს შემოვიდა.  ნანა ოდიშარიას ინფორმაციით, რადგანაც  ის სატვირთო ავტომობილის  მძღოლია, ჩამოსვლისთანავე ჩაუტარდა ანტიგენ-ანტისხეულზე ჯვარედინი ტესტირება, შედეგი იყო უარყოფითი. პაციენტის მდგომარეობა  დამაკმაყოფილებელია.ინფიცირებული პირი რუხის კლინიკაშია მოთავსებული, ასევე მოკვლეულია მისი ორი კონტაქტი. ორივე მათგანი საკარანტინო სივრცეშია გადაყვანილი. ინფორმაცია გადაცემულია შიდა ქართლის შესაბამის სამსახურებისთვის და ადგილზე  მიმდინარეობს ჩაღრმავებული  კვლევა.