ხმაური და დაპირისპირება იყო სოფელ ახალ აბასთუმანში, სადაც მოსახლეობამ აქცია გამართა. მათ პროტესტის ნიშნად გზა გადაკეტეს და მანქანებს არ აძლევდნენ გავლის საშუალებას, რისი უფლებაც მათ პოლიციამ არ მისცა . აქციის მონაწილეების თქმით, სოფელში არსებულმა ინერტული მასალების კარიერაზე მომუშავე მძიმეწონიანმა მანქანებმა სოფლის გზა გაანადგურეს. ამასთან მაშინ, როცა გაზიფიცირების სამუშაოები ხორციელდებოდა, სავალი გზის ნაწილი სამშენებლო კომპანიამ გადათხარა და ისე დატოვა. ადგილობრივების თქმით, მზიან ამინდში საშინელი მტვერი დგება, სარეცხსაც ვერ ფენენ და თვითონაც ვერ გადიან. ამასთანავე მტვერი სახლებში შედის. მათივე თქმით, ეს პრობლემა უკვე წლებია აწუხებთ.
სოფლის გამგებელს, რომელიც ადგილზე რამდენიმე წუთით მივიდა, კონკრეტული პასუხი აღნიშნულ საკითხზე არა აქვს.
მოსახლეობის თქმით, ბევრჯერ მიმართეს ადგილობრივ ხელისუფლებას, დაპირებები, არის თუმცა დღემდე არაფერი გაკეთებულა და თუ ეს ასე გაგრძელდება, ისინი ამბობენ, რომ პროტესტის მკაცრ ფორმებს მიმართავენ.