ზუგდიდში, ე.წ. “ვექტორის” დასახლებაში, სადაც ორი დღის წინ 13 წლის მოზარდი დაიხრჩო, ადგილობრივები წლებია აუზის ამოვსებას და ნიშნულის გაკეთებას ითხოვენ. მათი ინფორმაციით, მოზარდმა, რომელიც აუზში იყო ჩასული, ცურვა არ იცოდა. ასევე მათი თქმით, ეს არ არის ერთადერთი შემთხვევა და პრობლემა უკვე წლებია აწუხებთ. ადგილობრივები ამბობენ, რომ აუზი გამოუსადეგარია და ამოვსებას საჭიროებს, თუმცა მიუხედავად არაერთი მოთხოვნისა, მათი თქმით, პრობლემით არავინ დაინტერესებულა, რაც არაერთი ტრაგიკული შედეგის მიზეზი ხდება. არხი სადაც მოზარდი დაიხრჩო ამკრძალავი ნიშნები არ დგას, ხოლო მისი სიგრძე დაახლოებით 300 მეტრს, სიღრმე კი 5-10 მეტრს აღწევს. მიუხედავად არაერთი მცდელობისა, ჩვენთვის გაუგებარი მიზეზების გამო, ზუგდიდის მერიიდან ამ საკითხზე პასუხი ამ დრომდე არ გაუციათ. რაც შეეხება საქმეზე გამოძიებას, სს კოდექსის 115-ე მუხლითაა დაწყებული, რაც თვითმკვლელობამდე მიყვანას გულისხმობს.