COVID-19 პანდემიის პერიოდში ასოციაცია „მერკური“ სისტემატურად  ეხმარებოდა  უკიდურესად მძიმე ეკონომიკურ მდგომარეობაში აღმოჩენილ ბენეფიციარებს. პირველი ჰუმანიტარული დახმარება, რომელიც ორგანიზაციის თანამშრომლების შემოწირული თანხით იყო შესყიდული, აღდგომის წინ დარიგდა. მერკურის ხელმძღვანელის ნანა თოდუას თქმით, დღევანდელი აქცია ხორციელდება ასოციაცია „მერკურის“ პარტნიორი ორგანიზაციის Humandoc Foundation-ის და პოლონეთის საგარეო საქმეთა სამინისტროს მხარდაჭერით. ორგანიზაციამ ბენეფიციარებს დაურიგა პაკეტი, რომელშიც შედის საკვები პროდუქტების ნაკრები, ერთი ტომარა ფქვილი  და ჰიგიენის საშუალებები.

დღეს ასოციაცია „მერკური“  35 ბენეფიციარს დაეხმარა. სულ კარანტინის და მის შემდგომ პერიოდში ასოციაციამ დახმარება 100-ზე მეტ ოჯახს გაუწია.