ანაკლიაში მოსახლეობა კილომეტრნახევრიანი ქუჩის მთლიანად მოასფალტებას ითხოვს [Video]

0
447

ანაკლიაში მოსახლეობა გზის სრულად გაკეთებას ითხოვს. დგებუაძის ქუჩის მცხოვრებლების პროტესტი დღეს დილით დაწყებულმა სამუშაოებმა გამოიწვია. ადგილობრივები ამბობენ, რომ მათ ხელისუფლება კილომეტრნახევრიანი გზის სრულ მოასფალტებას დაპირდა, თუმცა დღეს სამუშაოები ქუჩის შუა ნაწილიდან დაიწყო და მოსახლეობას განუმარტეს, რომ მხოლოდ 500 მეტრიანი მონაკვეთი მოასფალტდებოდა. ადგილობრივები ამბობენ, რომ  ხელისუფლებამ ისინი უყურადღბოდ დატოვა და წელს საკურორტო სეზონზე ტურისტების მიღებას ვერ შეძლებენ, რადგან გზაზე საშინელი მტვერია და ინფრასტრუქტურა მოუწესრიგებელია.

საკრებულოს წევრი ნაციონალური მოძრაობიდან დათა შელია ამბობს, რომ ადგილობრივების მოთხოვა სამართლიანია და უნდა მოხდეს მთლიანი ქუჩის მოასფალტება, როგორც ეს პროექტში იყო.

ანაკლიის თემასთან დაკავშირებით ჩვენ ზუგდიდის მერიას დავუკავშირდით, უწყებაში განმარტავენ, რომ აღნიშნული ქუჩის პროექტი ორეტაპიანია და ნაწილ-ნაწილ კეთდება, თუმცა ვერ აკონკრეტებენ, როდის დასრულდება პროცესი, მოხდება ეს წლის ბოლონმდე თუ  მოხდება ვადების გადაწევა.

წინა სტატიადღეს სასამართლოში სხვებთან ერთად დაიკითხება იმ სამმართველოს უფროსი, რომელმაც გიორგი რურუას იარაღი ჩაუდო
შემდეგი სტატიაიმდენი წუწუნი მესმის ჯანიანი ბიჭების ქალაქში, ტურისტი აღარ არის, რა გვეშველება, მთავრობა ეს ქენით და ის ქენით – საქმის კეთება ვისაც უნდა, ყოველთვის შეძლებს აკეთოს – გიორგი გახარია
ტელეკომპანია ოდიშის საინფორმაციო სამსახური