დღეიდან საქალაქთაშორისო ტრანსპორტის მოძრაობა აღდგა. შესაბამისი გადაწყვეტილება 27 მაისს კორონავირუსთან ბრძოლის ფარგლებში შექმნილი უწყებათაშორისი საკოორდინაციო საბჭოს სხდომაზე მიიღეს. გზავრებს ტრანსპორტში რეკომენდაციების დაცვა მოუწევთ. მათ შორის მთავარი რეკომენდაციაა, რომ ტრანსპორტის მგზავრებმა ატარონ პირბადე. დღეს სადგურში მგზავრთა ნაკლებობა იყო. ინფორმაცია იმის შესახებ, რომ  მგზავრობა გაძვირდებოდა, მძღოლებმა და მგზავრებმაც უარყვეს, ზუგდიდიდან  თბილისში მგზავრობა კვლავ 20 ლარი ღირს, ზუგდიდი- ბათუმი ს მიმართულებით- 12 ლარი, ხოლო ზუგდიდი – ქუთაისი – 8 ლარი.

ცნობისთვის , საქართველოს მასშტაბით კორონავირუსის პანდემიის გამო, საქალაქთაშორისო გადაადგილებაზე შეზღუდვები 23 მარტს დაწესდა.საქართველოში სარკინიგზო გზით მგზავრთა გადაყვანა, საქალაქთაშორისო მოძრაობის აღდგენის მიუხედავად, დღეიდან არ განახლდება. სარკინიგზო ტრანსპორტით მგზავრთა გადაყვანა შეჩერებულია, გარდა სამომსახურეო სარკინიგზო მიმოსვლისა.