ზუგდიდის მუნიციპალიტეტის მერი გიორგი შენგელია გამოეხმაურა ენმ-ს ზუგდიდის ფრაქციის თავმჯდომარის ანა წითლიძის განცხადებას, რომ მერსა და ვისოლ ჯგუფს შორის კორუფციული გარიგება შედგა და განაცხადა, რომ ეს არის მორიგი ფარსი, რომელიც მათ დღის წესრიგად არის ქცეული.
შეგახსენებთ, რომ დღეს ენმ-ს ზუგდიდის ფრაქციის თავმჯდომარე ანა წითლიძემ, ზუგდიდის მერის გიორგი შენგელიას წინააღმდეგ პროკურატურაში სარჩელი შეიტანა. მერს წითლიძე ვისოლის მოთხოვნით სატენდერო პირობებისა და ხელშეკრულების შეცვალაში ადანაშულებს. საქმე ეხება კედიას ქუჩაზე არსებულ მიწის ნაკვეთს, რომელიც 2015 წელს გაიყიდა. მიწის ნაკვეთზე კომპანია “ვისოლ ჯგუფს” და მის შვილობილ კომპანიას “ვენჯორჯიას” უნდა აეშენებინა საერთაშორისო ბრენდის სასტუმრო, სადაც 70 ადამიანი იქნებოდა დასაქმებული.