სოფელ რუხში მოსახლეობამ საპროტესტო აქცია გამართა. მოსახლეობის თქმით, კერძო საწარმო ქვა-ღორღის მოსაპოვებელ სამუშაოებს აწარმოებს, რის გამოც სოფელში აღარ დარჩა საძოვრები, რადგან სულ გადათხრილია და, თუ საძოვრები არ იქნება სოფელში ცხოვრებას აზრი არ ექნება. ამიტომ მერიას მიმართავენ თხოვნით, რომ რეაგირება მოახდინონ ამ საკითხზე.
ზუგდიდის მერის გიორგი შენგელიას განცხადებით, ქვა-ღორღის მომპოვებელი საწარმო იმ სალიცენზიო ტერიტორიის ფარგლებში მუშაობს, რომელიც მისთვის გაცემულია 2017 წელს. მერის ინფორმაციით, ქვა-ღორღის მომპოვებელ კერძო საწარმოზე ლიცენზია მუნიციპალიტეტს არ გაუცია და ეს ეკონომიკის სამინისტროს პრეროგატივაა. შენგელიას თქმით, ისინი მოსახლეობას უახლოეს დღეებში მიაწვდიან პასუხს, ხოლო მანამდე საწარმოში შეჩერებული იქნება სამუშაოები.