საერთაშორისო ორგანიზაციები აგრძელებენ საქართველოს დახმარებას და მხარდაჭერას. ამჯერად გერმანიის რეკონსტრუქციისა და განვითარების ბანკის (KFW) ფინანსური მხარდაჭერით დანიის ლტოლვილთა საბჭო ზუგდიდში, ლაღიძის ქუჩაზე არსებულ დევნილთა ჩასახლებაში ახალი საბავშვო ბაღის მშენებლობას იწყებს. ბაღი 100 აღსაზრდელზეა გათვლილი და მისი მშენებლობა 10 თვეში დასრულდება.
გერმანიის მთავრობის დაფინანსებით, ეს არ არის მხოლოდ ერთი პროექტი, მათივე მხარდაჭერით სრული რეაბილიტაცია ჩაუტარდება გამსახურდიას ქუჩაზე არსებულ N1 საბავშო ბაღს. პროექტის ფარგლებში საქართველოს მასშტაბით საერთო ჯამში 8 საბავშვო ბაღის მშენებლობა და 2 მათგანის რეაბილიტაცია არის დაგეგმილი.