დღეიდან ზუგდიდში მუნიციპალური ტრანსპორტით გადაადგილება შესაძლებელია. მოქალაქეებს მგზავრობა ახალი წესების დაცვით მოუწევთ ავტობუსებით და სამარშრუტო ტაქსებით.
ტრანსპორტში ასასვლელად აუცილებელი პირობაა პირბადე, სამარშრუტო ტაქსებში იკრძალება მგზავრების ფეხზე დგომა. ეპიდემიოლოგების რეკომენდაციების თანახმად საზოგადოებრივ ტრანსპორტში კონდიცირება გამორთული იქნება.წესების დაცვასა და კონტროლს სატრანსპორტო კომპანიის თანამშრომლები, მუნიციპალური ინსპექცია და საპატრულო პოლიცია უზრუნველყოფს.
შეგახსენებთ, რომ 29 მარტიდან სამეგრელო -ზემო სვანეთში კორონავირუსის გავრცელების პრევენციისთვის გასატარებელი ღონისძიებებიდან გამომდინარე ყველანაირმა საზოგადოებრივმა სატრანსპორტო საშუალებებმა მთლიანად შეწყვიტა მოძრაობა, რაც მოქალაქეებისთვის ერთ-ერთი მთავარი პრობლემა გახდა.