რუხის მულტიფუნქციურ საავადმყოფოში ამ დროისთვის 20 პაციენტი მკურნალობს. როგორც საავადმყოფოს კლინიკური დირექტორი ნიკოლოზ ქარცივაძე აცხადებს, ყველა პაციენტის მდგომარეობა სტაბილურია. კორონავირუსით ინფიცირებულთაგან, რვა ზუგდიდელი კოვიდინფიცირებული მამაკაცის კლასტერიდანაა. მათ შორის, ექვსი არასრულწლოვანია.კორონავირუსი არ დაუდასტურდა ზუგდიდში გამოკვლეულ კიდევ 4 პირს, ყველა მათგანი ე.წ. ტრალიერის მძღოლის კლასტერიდან არიან.ზუგდიდის საზოგადოებრივი ჯანდაცვის ცენტრის ინფორმაციით, გუშინ, ჯამში 105 ნიმუში გაიტესტა და ყველა უარყოფითია.
მათ შორის იყო სხვადასხვა სამედიცინო დაწესებულებაში მოთავსებული 17 პაციენტი, ჯანდაცვის სფეროში დასაქმებული 29 პირი, 1 თვითიზოლაციაში მყოფი, 23 კი საკარანტინო ზონიდან, საიდანაც 17 ტრაილერის მძღოლის ე.წ. კლასტერია, ასევე სატვირთო ავტომობილების 31 მძღოლი ფოთის ტირ–პარკიდან