ზუგდიდელი ტრაილერის მძღოლის დედა, რომელიც ასევე კოვიდის დიაგნოზით რუხის მრავალპროფილურ კლინიკაში მკურნალობდა, წუხელ თბილისში გადაიყვანეს.
საავადმყოფოს კლინიკური დირექტორის ნიკოლოზ ქარცივაძის ინფორმაციით, პაციენტის სისხლის ანალიზის და ტომოგრაფიული მაჩვენებლები გაუარესდა, რის გამოც, მიიღეს გადაწყვეტილება , რომ პაციენტი თბილისის ინფექციურ საავადმყოფოში გადაეყვანათ.
აღნიშნული პაციენტი 16 მაისს შეიყვანეს რუხის საავადმყოფოში. მას დადასტურებული აქვს კორონავირუსი. ინფიცირებული მამაკაცი თბილისის ინფექციურ საავადმყოფოში მკურნალობს.
სულ ამ მომენტისთვის რუხის საავადმყოფოში ცხრა კოვიდინფიცირებული პაციენტი აგრძელებს მკურნალობას. მათი ჯანმრთელობის მდგომარეობა დამაკმაყოფილებელია.
