პანდემიით გამოწვეული ახალი რეალობის გამო არსებული ცვლილებები ქვეყნის მასშტაბით თითქმის ყველა სფეროს თავისებურად შეეხო, მათ შორის არიან ბლოგერები, რომლებიც ინფლუენსერულ საქმიანობას ეწევიან და სხვადასხვა კომპანიებთან თანამშრომლობენ, ძირითადად უცხოურ კომპანიებთან. პანდემიის პერიოდში ინფლუენსერების წინაშე მდგარ გამოწვევებზე და იმაზე თუ როგორ აისახა ეს სიტუაცია მათზე, ინსტაგრამერი და ინფლუენსერ ბლოგერი, ნანო ქობალია თავადვე მოგვიყვება. მანამდე იგი რადიო ოდიში +სტუმრობდა. ინფლუენსერ ბლოგერის თქმით, პანდემიის პერიოდი მისი საქმიანობისთვის, გარკვეულწილად ხელსაყრელი აღმოჩნდა, რადგანაც ევროპულ და ამერიკულ კომპანიებთან აქტიურად ითანამშრომლა. ულამაზესი ნანო თვლის, რომ ჯერ კიდევ დამწყები ბლოგერია, რადგანაც მხოლოდ ერთი წელია ამ საქმიანობით არის დაკავებული. იგი დღეში ოთხი-ხუთი საათი მუშაობს და მიაჩნია, რომ უდიდესი ძალისხმევა და მონდომებაა საჭირო, იმისათვის, რომ გახდე წარმატებული ინსტაგრამერი, ინფლუენსერ ბლოგერი.