რუხის მრავალპროფილურ კლინიკაში მოათავსებულ შუახნის  პაციენტს, რომელსაც სამი დღის წინ კორონავისური დაუდასტურდა,  მდგომარეობა სტაბილურია და   რესპირაციული ინფექციის სიმპტომები არ აღენიშნება. – ამის შესახებ ჟურნალისტებ საავამდყოფოს კლინიკურმა  დირექტორმა  ნიკოლოზ  ქარცივაძემ  განუცხადა. ამასთანავე კლინიკაში ცხელების ნიშნებით მოთავსებულ 3 ბავშვს Covid-19- ზე ტესტირება ჩაუტარდათ და მათი  ტესტების პასუხი უარყოფითია.რუხის საუნივერსიტეტო  კლინიკიდან გუშინ გაიგზავნა  15 ბიოლოგიური მასალა ტესტის ჩასატარებლად, საიდანაც  10 სამედიცინო პერსონალი იყო, 5 კი პაციენტი, ყველას ტესტის პასუხი Covid-19-მე უარყოფითია.ამ დროისთვის, რუხის საუნივერსიტეტო კლინიკაში მკურნალობას განაგრძობს 6 პაციენტი, რომელთაგანაც ერთი ახალი კორონავირუსით ინფიცირებული შუახნის ქალია.

სამეგრელო-ზემო სვანეთის სახელმწიფო რწმუნებულის ადმინისტრაციის ინფორმაციით, სამეგრელოს რეგიონის საკარანტინო ზონაში 78  პირი იმყოფება, თვითიზოლაციაში კი 168 ადამიანია. რაც შეეხება COVID-19-ზე ტესტებს,  სამეგრელო-ზემო სვანეთის რეგიონის მასშტაბით  123 ბიოლოგიური მასალიდან იქნა გამოკვლეული, საიდანაც  94 არის უარყოფითი, ხოლო დანარჩენი 29 ანალიზის პასუხი დღეს იქნება ცნობილი.