,,ეს გეგმა არ არის ადეკვატური, არის შეკოწიწებული და არასისტემური მიდგომის დემონსტრირება, და პირდაპირ იგრძნობა საარჩევნო გრაფიკი.” – ასე აფასებს ,,ლელოს” ლიდერი ბადრი ჯაფარიძე მთავარი არხის ეთერში მთავრობის ანტიკრიზისულ გეგმას,
,,როგორც ჩანს, მაინც საარჩევნო დღის წესრიგია მთავარი, ეს დახმარებაც გაწერილია ექვს თვეზე, რომ ბოლო ნაწილი იყოს ოქტომბრის თვეში ანუ საარჩევნო თვეს. თვითონ დახმარების ოდენობაც ძალიან მცირეა, მაგრამ რატომ უნდა იყოს ექვსი თვე და რატომ არ უნდა დარიგდეს სამი თვის განმავლობაში?”
შეგახსენებთ. ამ გეგმის მიხედვით, ვინც სამსახური დაკარგა, ექვსი თვის მანძილზე მთავრობისგან თვეში 200-ლარიან დახმარებას მიიღებს. ასევე ექვსთვიანი შეღავათი აქვთ დამსაქმებლებს (საშემოსავლო გადასახადზე). სოციალურად დაუცველების და შშმ პირების დახმარებაც ექვს თვეზეა გათვლილი