სიღარიბის ზღვარს ქვემოთ მცხოვრები მოსახლეობის მდგომარეობა პანდემიის პირობებში უკიდურესად მძიმე გახდა. მცირეწლოვანები ბავშვები და მოხუცები, რომლებიც სრულიად უსახსროდ დარჩნენ, ხელისუფლებისგან დახმარებას ითხოვენ. სოფელ ოდიშში ჯალაღონიების ოჯახი ძველი სკოლის შენობაში ცხოვრობს, მცირეწლოვან ბავშვებს 84 წლის ბებია უვლის, კორონავირუსის დროს სახლში დარჩენილ მოხუცს ბავშვების გამოკვება უჭირს, მაცივარი ცარიელია, მოხუცი შვილიშვილებთან ერთად გაუსაძლის პირობებში ცხოვრობს და არ იცის ხვალ და ზეგ მშიერ ბავშვებს რა აჭამოს.
მათ საკვები, ელექტროენერგია და სხვა საჭირო პირობები უკვე 2 წელია არ აქვთ. ელექტროენერგიის არარსებობის გამო სანთლის და ლამპის შუქზე ცოვრობენ, თუმცა მოხუცს უკვე არ აქვს იმის საშუალებაც, რომ ნავთი იყიდოს ლამპისთვის, ამიტომ სანთლის შუქზე უწევთ ცხოვრება.
84 წლის ნათელა ქუთელიას ერთადერთ შემოსავლად პენსია აქვს, რაც 3 მცირეწლოვანი შვილიშვილის გამოსაკვებად არ ჰყოფნის. ამიტომ მოხუცებულს და ბავშვებს მეზობლები ეხმარებიან და მათთვის საჭმელი მიაქვთ. ბავშვებს არ გააჩნიათ პირობები, რომ სრულფასოვნად იკვებონ და სკოლაში იარონ.