31 წელი გავიდა 1989 წლის 9 აპრილის საშინელი ტრაგედიიდან, რომელსაც თავისუფლებისთვის მებრძოლი უდანაშაულო ადამიანები შეეწირა.

ამ დღესთან დაკავშირებით „ლელოს“  ზუგდიდის რეგიონულმა ოფისმა პატივი მიაგო ცხრა აპრილს დაღუპულ გმირებს და მემორიალი ყვავილებით შეამკეს.

რეგიონული ორგანიზაციის ხელმძღვანელმა ალექსანდრე ახვლედიანმა აღნიშნა, რომ დღევანდელი დღის მსგავსად, მაშინაც კომენდანტის საათი იყო საქართველოში და მაშინაც თეთრხალათიანი ექიმები ჭირისუფლებდნენ ჩვენს თანამემამულეებს, რომლებიც იმ ტრაგიკულ საღამოს დაიღუპნენ, დაზიანდნენ და დაიჭრნენ. თუმცა დღევანდელი დღე იმით  განსხვავება, რომ დღეს ჩვენ ვებრძვით უხილავ მტერს.

შეგახსენებთ, რომ 1989 წლის 9 აპრილის ღამის დარბევას 20 ადამიანი ემსხვერპლა, ხოლო ერთი მოქალაქე კომენდანტის საათის დროს მოკლეს რუსმა ჯარისკაცებმა.