პოლიტიკური გაერთიანება “ლელო საქართველოსთვის” და არასამთავრობო ორგანიზაცია ,, მოძრაობა მომავლისთვის” სოციალურ კამპანიაში ერთვებიან, რომლის ფარგლებშიც დღეს მათ სურსათ-სანოვაგე საქართველოს რამდენიმე რეგიონში დაარიგეს – ზუგდიდი, გორი, თელავი, ქუთაისი.
არასამთავრობო ორგანიზაციამ გამოყო გარკვეული თანხა, რომელიც მას მამუკა ხაზარაძის ოჯახმა გადაურიცხა სოციალური პროექტისთვის, რათა დაეხმარონ იმ ადამიანებს, ვისაც ეს ახლა ყველაზე მეტად სჭირდება.
პოლიტიკური გაერთიანება „ლელო საქართველოსთვის“ ამ კამპანიაში მონაწილეობას იღებდა მოხალისეთა სახელით. მათ ქაალქ ზუგდიდში მცხოვრებ 100 ბენეფიციარს დაურიგეს სურსათ-სანოვაგის სტანდარტული, 30 ლარიანი პაკეტი. კორონავირუსით გამოწვეული კრიზისისას დაზარალებულ ადამიანებს – მათ, ვინც დარჩა უსამსახუროდ, ვისაც შემოსავალი არ აქვს და ვისაც უბრალოდ სჭირდება დახმარება.
კამპანიის ფარგლებში პროდუქცია ხვალ ბათუმსა და ოზურგეთში დარიგდება. ჯამში კი სულ 1600 ბენეფიციარს დაეხმარებიან.