კომენდანტის საათის მეორე ღამეს ზუგდიდში, დაალოებით 20-მდე მძღოლი დაჯარიმდა. – ამის შესახებ ინფორმაცია ჟურნალისტებს ზუგდიდის მუნიციპალიტეტის მერმა გიორგი შენგელიამ განუცხადა. მერმა მოქალაქეებს საგანგებო მდგომარეობების პირობებში არსებული კანონმდებლობის წესების დაცვისკენ მოუწოდა. შენგელია ასევე შეეხო, ზუგდიდში არსებულ მდგომარეობას და აღნიშნა, რომ 40 მოქალაქეა თვითიზოლაციაში და ეს მაჩვენებელი იკლებს, ხოლო 82 ადამიანია საკარანტინო ზონებში, საიდანაც 10 აფხაზეთიდანაა.
გიორგი შენგელია ასევე შეეხო რუხიდან ფოთის ინფექციურ საავადმყოფოში გადაყვანილ დედა-შვილსაც და განაცხადა, რომ მათ უტარდებათ გამოკვლევები და შემდგომში მიიღებენ ექიმები გადაწყვეტილებას მოხდება თუ არა მათი ანალიზების გაგზავნა ლუგარის ლაბორატორიაში. ამასთანავე ელოდებიან ზუგდიდის ინფექციურ საავადმყოფოში მყოფი 3 ადამიანის პასუხს ლუგარის ლაბორატორიიდან.