რუსი სამხედროები ზუგდიდის მუნიციპალიტეტის სოფელ შამგონას მოსაზღვრე ოკუპირებული გალის რაიონის სოფელ თაგილონში სპეციალური ტექნიკით უკანონო სამუშაოებს აწარმოებენ. შამგონის მოსახლეობა ამბობს, რომ ადგილზე ტექნიკა რამდენიმე დღეა შეიყვანეს და ტრაქტორები მუშაობენ.
საქართველოს სახელმწიფო უსაფრთხოების სამსახურშიც ადასტურებენ ამ ფაქტს, თუმცა, სუსი არ აკონკრეეტებს, რას აშენებენ.