ქვეყანაში შექმნილი ვითარების ფონზე, როცა საგანგებო მდგომარეობის რეჟიმში ვართ, წითელ ზონადაა გამოცხადებული ორი მუნიციპალიტეტი და კორონავირუსთან ბრძოლისა და თავდაცვის მიზნით ჯანდაცვის ორგანიზაციები დაწვრილებით გასცემენ რეკომენდაციებს, ზუგდიდის ბაზარში ასეთი სურათი გვხვდება. მალფუჭებადი პროდუქტები ბაზარში პირდაპირ დახლებიდან იყიდება, მაცივრის გარეშე, რაც ეწინააღმდეგება სურსათის უვნებლობის დადგენილ ნორმებსა და სტანდარტებს.
მოვაჭრეების განმარტებით, ბაზარში მომხარებლების რაოდენობა კორონავირუსის გამო საგრძნობლად შემცირებულია, ამიტომაც იძულებული არიან, გასაყიდი საქონელი მომხარებლისთვის უფრო თვალსაჩინო ადგილას განათავსონ. ტელე-კომპანია ოდიშის კამერების გამოჩენამ გამყიდველების გააღიზიანება გამოიწვია.
ბაზარში მალფუჭებადი პროდუქტების შენახვის წესების დარღვევის გარდა, მომხმარებლებმაც და იქ მომუშავეებმაც პრეტენზიები ბაზარში უპატრონო ძაღლების მომრავლებაზე გამოთქვეს.