საზოგადოებრივი ჯანდაცვის რეგიონული ცენტრის ხელმძღვანელის ნანა ოდიშარიას ინფორმაციით, ამ დროისათვის, სამეგრელოს რეგიონში თვითიზოლაციაში 306 პირია, ხოლო 55 პირი მოიხსნა თვითიზოლაციიდან ვადის ამოწურვის გამო. საკარატინო ზოლში რეგიონიდან გადაყვანილი 27 ადამიანი იმყოფება, საიდანაც 4 საკუთარი ნებით მივიდა, რადგან მათ არ გააჩნდათ თვითიზოლაციის პირობები.
ნანა ოდიშარიას თქმით, მესტიაში 2 საკარანტინო სივრცეა, სადაც 2 უცხოელ ტურისტზე მყარდება ზედამხედველობა. ხოლო ზუგდიდში მიდის საკარანტინო სივრცის მოძიება.
სამეგრელოში ახალი კორონავირუსის სიმპტომებით არც ერთი პაციენტი არ წევს. ამ დროისათვის საქართველოში კორონავირუსით ინფიცირების 54 შემთხვევაა დაფიქსირებული, საიდანაც 3 პაციენტი გამოჯანმრთელდა.