ხანდაზმულთა დღის ცენტრი ზუგდიდში გასული წლის ივნისში გაიხსნა. ცენტრი
რეაბილიტაციისა და განვითარების საქველმოქმედო ცენტრმა ,,თანაზიარი,“ ზუგდიდის მუნიციპალიტეტის მერიის მხარდაჭერით გახსნა და სოციალური საცხოვრისის შენობაში განათავსა. ცენტრის საზეიმოდ გახსნას ესწრებოდნენ მერიის სოციალური და ჯანდაცვის სამსახურის წარმომადგენლები, ბენეფიციარები და აფხაზეთის ავტონომიური რესპუბლიკის მთავრობის წარმომადგენლები სამეგრელო-ზემო სვანეთში.ბენეფიციარების შერჩევისას უპირატესობა მიანიჭეს მოხუცებს, რომლებიც მარტო ცხოვრობენ, არიან უმწეოები და სოციალურად დაუცველები.ცენტრში საკუთარი ფსიქოლოგი ჰყავთ. ნანა ქირია ხანდაზმულებს ტესტებით, განწყობის გასაუმჯობესებელი სავარჯიშოებით უადვილებს მათ ერთად ყოფნას და ზოგადად ცხოვრებას.ხელსაქმეს და კრეატიულ ხედვას კი ეკა კაკულია ხელმძღვანელობს. ხანდაზმულებს მშვენიერი ნაკეთობები გამოსდით. რამდენჯერმე გამოფენა-გაყიდვაც მოაწყვეს.ერთ-ერთი ასეთი ღონისძიება არტ-გალერეაში დეკემბერში ჩატარდა, სადაც დღის ცენტრის ბენეფიციარების ხელნაკეთი ნივთების გამოფენა-გაყიდვა მოეწყო. ასევე იმღერეს ხალხური სიმღერები.ლელა ჯანაშია ექთანია, ამბობს, რომ დღის ცენტრის ხანდაზმულები ერთმანეთზე ზრუნავენ და ჯანმრთელობის მდგომარეობა აწუხებთ.დღის ცენტრის მენეჯერი ნანა შონიაა, ის ბენეფიციარებს ძალიან უყვართ.ბენეფიციარებს ერთმანეთთან შეხვედრა და ყოველი დღის გათენება უხარიათ, ესმით ერთმანეთის, უგებენ და ცხოვრებას ულამაზებენ. ხანდაზმულთა დღის ცენტრმა წელი შეაჯამა, მოწვეული სტუმრებისთვის იმღერა, ნამუშევრები დაათვალირებინა და მომავლის შეხვედრის სურვილით დაემშვიდობა.პროექტი “უზრუნველყოთ ღირსეული ხანდაზმულობა” ევროკავშირის მიერ დაფინანსებული პროექტის “პარტნიორობა ჩართულობითი პოლიტიკის შესაქმნელად” ფარგლებში ხორციელდება.პროექტს ახორციელებს ASB საქართველო პარტნიორ ორგანიზაციებთან:საქველმოქმედო ჰუმანიტარულ ცენნტრ “აფხაზეთთან” (GHGA) და კახეთის რეგიონალური განვითარების ფონდტან (KRDF) ერთად.ხანდაზმულთა ცენტრი ყოველ დღე, დილის 10 საათიდან საღამოს 18 საათამდე მუშაობს.