მთავრობისთვის ნდობის გამოცხადებას საქართველოს მესამე პრეზიდენტი გამოეხმაურა.
მიხეილ სააკაშვილმა განაცხადა, რომ ის რასაც პუტინი და ივანიშვილი აკეთებენ, არის საქართველოს კადიროვიზაცია.
მისი თქმით, ივანიშვილმა ხალხი მოატყუა , ახლა კი პუტინმა დაიწყო რუსული მმართველობის დამყარება საქართველოში.
“ივანიშვილმა თავის ფუნქცია შეასრულა, მისი ფუნქცია იყო ქართველი ხალხის მოტყუება და ამას წარმატებით გაართვა თავი ყალბი დაპირებებით და, როცა აღარავის სჯერა მისი, რუსეთმა დაიწყო დამამთავრებელი ეტაპის განხორციელება ივანიშვილის ჩანაცვლება პირდაპირი რუსული მმართველობით “
ახლა გჭირდება წინააღმდეგობის მოძრაობა და უკანონო რეჟიმის მოშორება! საქართველოს კადიროვიზაციას პირველ რიგში ქართული ახალგაზრდობა არ დაუშვებს
რა თქმა უნდა, ამ ყველაფერში მეც პირადად ვარ ჩართული და ამ მოძრაობაში უნდა ჩაერთოს ქვეყნის ყველა პატრიოტი, როგორც ქვეყნის შიგნით, ისე ქვეყნის გარეთ!
ყველაფერი გამოგვივა- განაცხადა სააკაშვილმა ვიდეომიმართვაში.