ამერიკის შეერთებული შტატები საქართველოში ელჩად კელი დეგნანს წარადგენს.
კელი დეგნანი ამჟამად აშშ-ის ელჩის მოადგილეა იტალიასა და სანმარინოში. რომში დიპლომატიურ საქმიანობამდე, დეგანი სახელმწიფო დეპარტამენტში, სახელმწიფო მდივნის აპარატში საქმიანობდა. დეგანი იყო შეერთებული შტატების ელჩის მოადგილე კოსოვოში. კოსოვოს დიპლომატიურ მისიაში ის ბრიუსელის ნატოს ოფისიდან გადავიდა, სადაც ის პოლიტიკური მრჩევლის თანამდებობაზე იყო სამი წლის განმავლობაში. დეგანი მსახურობდა ასევე ავღანეთში, თურქეთსა და პაკისტანში.
დეგნანის ელჩად დანიშნვის შესახებ ვაშინგტონის მხრიდან ოფიციალური ინფორმაცია არ გავრცელებულა.
აშშ-ს წელიწადზე მეტია საქართველოში ელჩი არ ჰყავს. პრეზიდენტ ბარაკ ობამას ადმინისტრაციის მიერ ელჩად დანიშნულ იან კელის უფლებამოსილების ვადა 2018 წლის მარტში ამოეწურა. აშშ-ის ელჩის მოვალეობას ელიზაბეთ რუდი ასრულებს.