„მე მჯერა, რომ გია თვალავაძე ბუნებით წესიერი კაცია” – დავით სერგეენკოს კომენტარი ჯანდაცვის სამინისტროში მომხდარ დაკავებებზე

0
462
 
გია თვალავაძე  გუშინ  ჩაფიძის კლინიკაში გადაიყვანეს  – დაკავებულს გულის შეტევა ჰქონდა და ამ დრომდე კლინიკაში, ექიმების დაკვირვების ქვეშ რჩება.
 
კლინიკაში აცხადებენ, რომ მედიისთვის განცხადება თვალავაძის ჯანმრთელობის მდგომარეობაზე დღის მეორე ნახევარში გაკეთდება.
 
სამედიცინო საქმიანობის რეგულირების სახელმწიფო სააგენტოს ყოფილ ხელმძღვანელს გია თვალავაძეს  ე.წ.სააფთიაქო ნარკომანიის საქმეზე, სამსახურებრივი უფლებამოსილების ბოროტად გამოყენებაში ედება ბრალი და მას ამ საქმეზე ბრალდებულ,  კიდევ ხუთ პირთან ერთად , რომელიც სავარაუდოდ უკანონო სამეწარმეო საქმიანბას ეწეოდ,   თბილისის საქალაქო სასამართლომ გუშინ აღკვეთის ღონისძიების სახით პატიმრობა შეუფარდა.
 
გია თვალავაძის დაკავებამ რა თქმა უნდა, იმოქმედა სამინისტროსა და მინისტრის რეპუტაციაზე, – განაცხადა ამის შესახებ ჯანდაცვის მინისტრმა დავით სერგეენკომ 
 
მისი თქმით, მინისტრი არის პასუხისმგებელი ყველაფერზე, რაც კი ხდება სამინისტროს დაქვემდებარებულ მიმართულებებზე.
 
„მე მჯერა, რომ გია თვალავაძე ბუნებით წესიერი კაცია. მინდა ყველას ვთხოვო, სანამ ის ბრალდებულია და სანამ სასამართლოს არ მიუღია საბოლოო გადაწყვეტილება, თავი შეიკავოს შეფასებისგან იმიტომ, რომ კიდევ ერთხელ ვიძახი, გია თვალავაძე წესიერი კაცია და სასამართლო დაადგენს ობიექტურ რეალობას. რა თქმა უნდა, სამინისტროს რეპუტაციაზე ამან იმოქმედა და მინისტრის რეპუტაციაზეც ამან იმოქმედა, რადგან მინისტრი არის პასუხისმგებელი ყველაფერზე, რაც კი ხდება სამინისტროს დაქვემდებარებულ მიმართულებებზე“, – განაცხადა  სერგეენკომ, რომელიც  აშშ-ში იმყოფება.
 
 
წინა სტატიაზუგდიდში, მარკეტ ,,იალჩინის,, თანამშრომლები აქციას მართავენ [Video]
შემდეგი სტატია„მე მჯერა, რომ გია თვალავაძე ბუნებით წესიერი კაცია” – დავით სერგეენკოს კომენტარი ჯანდაცვის სამინისტროში მომხდარ დაკავებებზე
ტელეკომპანია ოდიშის საინფორმაციო სამსახური