ზედიზედ ორი ყაჩაღობა თბილისის ცენტრში ანუ როგორია სინამდვილეში ქალაქის განვითარების მნიშვნელოვანი ეტაპი, რომელიც თბილისის მერმა კალაძემ დაანონსა

0
379
 თბილისის ცენტრში   სულ რამდენიმე საათის განმავლობაში ორი ყაჩაღობა მოხდა. როგორც ჩანს ასეთია სინამდვილეში   ქალაქის განვითარების მნიშვნელოვანი ეტაპი, რომელიც   თბილისის მერმა, კახა კალაძემ დაანონსა. 
 წუხელ  დანით შეიარაღებული პირი კოსტავას ქუჩაზე მდებარე  სუპერმარკეტ "იოლში" შეიჭრა და ოპერატორს დანის მუქარით თანხა მოსთხოვა..
 
როგორც შინაგან საქმეთა სამინისტროში განუცხადეს, ყაჩაღობის ბრალდებით დაკავებულია 1987 წელს დაბადებული აზერბაიჯანის მოქალაქე. 
 
სამართალდამცველებმა ბრალდებული შემთხვევის ადგილზე დააკავეს. პოლიციამ დანაშაულის იარაღი დანა ნივთმტკიცებად ამოიღო.
 
გამოძიება ყაჩაღობის ფაქტზე მიმდინარეობს, საქართველოს სსკ-ს 179-ე მუხლით. დანაშაული 5-დან 7 წლამდე ვადით თავისუფლების აღკვეთას ითვალისწინებს
 წუხელვე   თბილისში, ჯავახიშვილის ქუჩაზე ფსიქოტროპული აფთიაქი დააყაჩაღეს. ცივი იარაღით შეირაღებული ორი პირი თავს აფთიაქის თანამშრომელს დაესხა და თანხა და პირადი ნივთები გასტაცა. თანხის მოთხოვნისას  ერთ-ერთმა თავდამსხმელმა გამყიდველ  ქალს რამდენიმე ჭრილობა მიაყენა. დაშავებულს კლინიკაში სამედიცინო დახმარება გაეწია და სახლში გაწერეს
 
შს სამინისტრომ ორივე თავდამსხმელი კახეთის გზატკეცილზე დააკავა.
 
მათ წინააღმდეგ გამოძიება საქართველოს სისხლის სამართლის კოდექსის 179-ე მუხლის მე-2 და მე-3 ნაწილებით მიმდინარეობს.
წინა სტატიასერჟ სარგსიანის გუნდის გადადგომის შემდეგ მთავარი თემა სომხეთის ოპოზიციისთვის ვადამდელი საპარლამენტო არჩევნების დანიშვნაა
შემდეგი სტატიასამეგრელო-ზემო სვანეთის სამხარეო პროკურატურასთან დევნილი მანანა თაკალანძე ექვს შვილთან ერთად შიმშილობას იწყებს
ტელეკომპანია ოდიშის საინფორმაციო სამსახური