22 მარტს საბაჟო გამშვები პუნქტი სარფი დროებით არ იმუშავებს

0
428
22 მარტს, 09:00 საათიდან 21:00 საათამდე, საბაჟო გამშვები პუნქტი სარფი, დროებით მუშაობას შეწყვეტს
ფინანსთა სამინისტროს შემოსავლების სამსახურის ცნობით, თურქეთის რესპუბლიკის საბაჟო გამშვებ პუნქტში „სარფი“ მიმდინარე სამშენებლო-სარეკონსტრუქციო სამუშაოების გამო, საბაჟო გამშვები პუნქტი „სარფი“ დროებით ფუნქციონირებას შეწყვეტს. 
 
„შესაბამისად, აღნიშნული დროის განმავლობაში თურქეთ-საქართველოს შორის მგზავრთა, ასევე ავტოსატრანსპორტო საშუალებების მიმოსვლა, სარფის საბაჟო გამშვები პუნქტის გავლით, შეიზღუდება. ამის შესახებ ინფორმაცია ფინანსთა სამინისტროს შემოსავლების სამსახურს თურქეთის რესპუბლიკის საკონსულომ მიაწოდა“, – აცხადებენ შემოსავლების სამსახურში. 
 
ფინანსთა სამინისტროს შემოსავლების სამსახური მოუწოდებს დაინტერესებულ პირებს 22 მარტს, 08:00 საათიდან 20:00 საათამდე, თურქეთის რესპუბლიკაში გასამგზავრებლად ისარგებლონ საბაჟო გამშვები პუნქტების „ვალესა“ და „კარწახის“ მომსახურებით.
წინა სტატიათვითმმართველობის კომიტეტმა ტაქსების რეგულაციის სესიაზე გატანას მხარი დაუჭირა
შემდეგი სტატიაშეწყდეს „საზოგადოება ზუგდიდელთან“ თანამშრომლობა- მიმართვა ზუგდიდის მერიას
ტელეკომპანია ოდიშის საინფორმაციო სამსახური