სახალხო პროტესტი უკრაინის რადასთან გრძელდება. აქციაზე შეკრებილებს ამ წუთებში პოლიტიკური ლიდერები მიმართავენ. მიხეილ სააკაშვილის მხარდამჭერებს დღეს კონკრეტული მოთხოვნებით შეუერთდნენ იულია ტიმოშენკოს პარტიის წარმომადგენლებიც. ქუჩაში გამოსული ოპოზიცია ახალ მხარდამჭერებს ელის.აქციას დღეს ევროპარლამენტის წევრი ჩეხეთიდან, იარომირ შტეტინაც შეუერთდა. ევროდეპუტატის თქმით, უკრაინის ნომერ პირველი პრობლემა დღეს კორუფციაა, რომელთან ბრძოლის წარმატებული მაგალითი სააკაშვილმა საერთაშორისო საზოგადოებას საქართველოში აჩვენა.უკრაინის პარტია ”ახალი ძალების მოძრაობის” წევრი, დავით საყვარელიძე აცხადებს, რომ ბევრი მხარდამჭერი ჰყავთ, რომლებიც დანებებას არ აპირებენ და სამართალდამცავების მხრიდან ნებისმიერი ძალისმიერი ქმედება მძიმე გადასატანი იქნება.„მათ აქვთ გადაწყვეტილი საკუთარი თავის გადარჩენა. საკუთარი თავის გადარჩენისთვის მათ უღირთ ნებისმიერი მეთოდის გამოყენება,“ – განაცხადა დავით საყვარელიძემ.პარტია "თავისუფლების" ლიდერი, ვალენტინ ნალივაიშენკო აღნიშნავს, რომ სააკაშვილის დაკავება კანონიერი გზებით ვერ მოხერხდება.„მიხეილ სააკაშვილის დაკავება სამართლებრივი და კანონიერი გზით ვერ მოხერხდება. თუ პოროშენკო პოლიტიკური დაკვეთების გაცემას განაგრძობს, არაკანონიერი ქმედების პროგნოზირება გამიჭირდება. უკრაინელი ხალხი აღარასდროს მისცემს მთავრობას ქურდობის უფლებას,“ – აცხადებს ნალივაიშენკო.უკრაინის სახელმწიფო უსაფრთხოების სამსახურის ყოფილი უფროსის, ივან ლაზავოის განცხადებით, პოროშენკო ნებისმიერ ხერხს მიმართავს სააკაშვილის ციხეში ჩასასმელად.„პოროშენკოს რეჟიმის განზრახვაა მიხეილ სააკაშვილი ნებისმიერ ფასად ჩასვას ციხეში, რომ მოიშოროს პოლიტიკური ოპონენტი, რომელიც მისი რეჟიმისთვის ძალიან საშიშია. ამისთვის ისინი ყველაფერზე წავლენ. თუმცა სააკაშვილის კანონიერი დაპატიმრება, ფაქტობრივად, შეუძლებელია,“ – განაცხადა ლაზავოიმ.
სიახლეები
საზოგადოება
განათლების მინისტრი გადადგა
“ოცნების“ განათლების მინისტრი გადადგა. ამის შესახებ ალექსანდრე წულაძემ სოციალურ ქსელში დაწერა.
მისი თქმით, გადაწყვეტილება პირადი...
სიახლეები
საგარეო უწყებაში მიმდინარეობს რეორგანიზაცია ევროპული კურსის მხარდამჭერების წინააღმდეგ
საქართველოს საგარეო საქმეთა სამინისტროში დაწყებული რეორგანიზაცია მიზნად ისახავს 2024 წლის 28 ნოემბრის ერთობლივი განცხადების...
სიახლეები
NGO-ები ანტიკორუფციულ ბიუროს: დამატებით დოკუმენტებს არ გავუგზავნით
სააპელაციო სასამართლომ არასამთავრობო ორგანიზაციების საჩივარი არ დააკმაყოფილა.
არასამთავრობო ორგანიზაციების ნაწილისგან ივანიშვილის რეჟიმის ანტიკორუფციულმა ბიურომ ორგანიზაციის...
სიახლეები
გახარია წულუკიანის კომისიაზე ონლაინ ჩართვით დაიკითხება
წულუკიანის კომისიის გადაწყვეტილებით, გიორგი გახარია კომისიის სხდომაზე 2 ივლისს ონლაინ ჩაერთვება და დაიკითხება.
"გახარია მეორე...