ჯილეხის შემთხვევა ფოთში- გარდაცვლილია 28 წლის ქალი

0
411
ფოთში ჯილეხის შემთხვევა დაფიქსირდა. დაავადებით 28 წლის ქალი გარდაიცვალა. ამის შესახებ განცხადება შრომის ჯანმრთელობისა და სოციალური დაცვის სამინისტროს ფოთის რეგიონული ლაბორატორიის ეპიდემიოლოგმა მაკა გაბუნიამ გააკეთა. „პაციენტმა სამედიცინო დაწესებულებას, სავარაუდოდ, დაგვიანებით მიმართა და სწორედ ეს გახდა შემთხვევის ლეტალურად დასრულების მიზეზი. პაციენტს აღენიშნებოდა თავის ძლიერი ტკივილი, ღებინება, ყელის შეშუპება, მონაცისფრო ნადებები. გაეწია შესაბამისი სამედიცინო დახმარება და განხორციედა მისი რეფერალი ქუთაისის ინფექციურ საავადმყოფოში, თუმცა, სამწუხაროდ პაციენტის გადარჩენა ვერ მოხერხდა", – აღნიშნა მაკა გაბუნიამ. ექიმების ინფორმაციით, ახალგაზრდა ქალის გარდაცვალების მიზეზი, სავარაუდოდ, დაგვიანებული მკურნალობა გახდა და პანიკის საფუძველი არ არსებობს.
წინა სტატია“მეგის ქარდავა ნაცემია და მის სიცოცხლეს საფრთხე ემუქრება” – ადვოკატი
შემდეგი სტატიადავით სერგეენკო – პენსიების სისტემა საჭიროებს რეფორმას
ტელეკომპანია ოდიშის საინფორმაციო სამსახური